მომხმარებელი უფლებამოსილია, შეცვალოს მიმწოდებელი სხვა მიმწოდებლით.
დაუშვებელია, საყოფაცხოვრებო მომხმარებელს და მცირე საწარმოს დაეკისროთ პირგასამტეხლო მიმწოდებლის შეცვლის საფუძველით მიწოდების ხელშეკრულების შეწყვეტისათვის.
მიმწოდებლის შეცვლა უფასოა.
მიმწოდებლის შეცვლის პროცედურის ხანგრძლივობა არ აღემატება 3 კვირას.
მიმწოდებლის შეცვლის უფლება აქვს როგორც ბინის მესაკუთრეს, ისე დროებით მფლობელს (მაგალითად, მოქირავნეს, მოიჯარეს და ა.შ.).
დროებითი მფლობელის მიერ მიმწოდებლის შეცვლისას დადებული მიწოდების ხელშეკრულების ვადა არ უნდა აღემატებოდეს უძრავი ქონების დროებით ფლობის ვადას. მიწოდების ხელშეკრულება შეიძლება დაიდოს უფრო მეტი ვადით, თუ დროებითი მფლობელი წარადგენს უძრავი ქონების მესაკუთრის წერილობით თანხმობას.
მიმწოდებლის შეცვლის პროცედურის მიმდინარეობისას ურთიერთობა არსებულ მიმწოდებელს, ახალ მიმწოდებელსა და მომხმარებელს შორის ხორციელდება ამ პორტალის მეშვეობით.
მიმწოდებლის შეცვლა მომხმარებელს არ ათავისუფლებს არსებული მიმწოდებლის წინაშე არსებული დავალიანების გადახდის ვალდებულებისაგან.
მიმწოდებლის შეცვლის განაცხადი ხელმისაწვდომია აქ: განაცხადის ფორმა